Алдар Спорт Хороо Үндэсний бөхийн клуб

Батлан хамгаалах яамны харьяа Алдар биеийн тамир спорт хорооны үндэсний бөхийн дугуйлан нь 1946 онд байгуулагдсан. Үндэсний бөхийн 23 аваргын 15 нь тус дугуйлангаас төрөн гарсан. Улсын аварга, арслан, гарьд, заан, харцага цолтой 180 гаруй /Аварга 15, Арслан 18, Гарьд 4,Заан 16, Харцага начин 100 гаруй/ бөх байна. Монгол улсын Хөдөлмөрийн баатар 2, Ардын багш 4, Гавьяат тамирчин 30 гаруй бий. Үндэсний бөхийн өсвөр үе, залуучуудын улсын аваргад багаараа 13 удаа, залуучуудын улсын аваргад 1 түрүүлж, 2 мөнгөн медаль авсан, өсвөр үе үндэсний бөхийн аваргад 13 удаа түрүүлж байсан.

1967-1990 он хүртэл Монгол улсын гавьяат дасгалжуулагч Ч.Өвгөнхүү, 1990-1996 он хүртэл Монгол улсын гавьяат дасгалжуулагч Б.Ганбаатар, 1996-2000 он хүртэл Монгол Улсын гарьд И.Доржсамбуу ажиллаж ирсэн. 2016 оноос дасгалжуулагчаар самбо бөхийн ОУХМ, Монгол улсын харцага, магистр зэрэгтэй, 2004 оноос үндэсний бөхийн дасгалжуулагчаар ажиллаж байгаа Түвдэндоржийн Өсөх-Ирээдүй, туслах дасгалжуулагчаар чөлөөт бөхийн ОУХМ, Монгол улсын харцага Бат-Очирын Одгэрэл, чөлөөт бөхийн спортын мастер, Монгол улсын харцага Шархүүгийн Пүрэвгарьд нар ажиллаж байна. 

Дугуйлангийн бэлтгэл сургуулилалтын төрөл:

- Анхлан 

16-аас дээш насны хүүхдүүдийг сонгон шалгаруулж авна. Одоогоор 100 гаруй хүүхдүүд тогтмол хичээллэж байгаа. 

- Сонирхогч 

Бие бялдар, эрүүл мэнддээ хөрөнгө оруулан, үндэсний спорт, өв уламжлалаасаа суралцах хүсэлтэй хүмүүс хичээллэж болно.

- Үндсэн тамирчид

Алдар биеийн тамир спорт хорооны үндэсний бөхийн тамирчид