Номин Үндэсний Сурын Клуб

 Монгол Үндэсний сурын харваагаар хичээллэх хүсэлтэй хүн бүхэнд НОМИН ҮНДЭСНИЙ СУРЫН КЛУБ-ийн үүд хаалга нээлттэй. 

Эрийн гурван наадмын нэгэн төрөл сурын харваа нь Богд хаант Засгийн үед ихэд сэргээжээ. Харвааны үеийг мэргэ, шил, ноён, баатар, далд, шувтарга гэсэн үеүдэд хуваадаг байсан бөгөөд мэргэ үед зөвхөн алдар цуутай харваачид өрсөлддөг байв. Далд үед харьж яваа харваачид, шувтарга үед удахгүй цахиур хагалах ирээдүйн аваргуудыг өрсөлдүүлдэг байжээ. Он цаг улирах тусам өргөжин тэлж, хэлбэр нь баяжин, дүрэм нь боловсронгуй болсоор эдүгээ халх, урианхай, буриад гэсэн гурван төрлөөр сурын харваа зохион байгуулагддаг. Урианхай, буриад харваанд зөвхөн эрчүүд оролцоно. Халх сурын харваанд эр, эмгүй харвадаг. 

Багш дасгалжуулагч: Монгол улсын Мэргэн, спортын мастер Б.Бутваан, Спортын мастер Э.Дуламжав 

Хангамж: Сургалтын турш клубээс нум сум бусад эдлэл хэрэглэлээр хангаж суралцах боломжоор бүрэн хангана.