Баянгол дүүргийн Усан спорт сургалтын төв

Манай байгууллагын 1-р байр нь Баянгол дүүргийн 7 дугаар хороо, 4 дүгээр хорооллын эцэст байрлах Эрдмийн ундраа цогцолбор буюу 78 дугаар сургуулийн хашаанд байрладаг. Эрүүл ахуйн стандартын шаардлага хангасан 25-н метр урттай хос замтай усан сан /нэг ээлжийн хичээлд 25-30 хүний багтаамжтай/, нэг ээлжийн хичээлд 10-13 хүний багтаамж бүхий фитнес төв. 2-р байр нь Баянгол дүүргийн 15 дугаар хороо, Энэбишийн гудамж, 40 дүгээр сургуулийн баруун талд байрладаг. Олон улсын жишигт нийцсэн шинэ 300 хүний суудалтай 25 метрийн урттай 4 зам бүхий усан сан, гар бөмбөг, сагсан бөмбөгийн заалтай, жүдо бөх, чөлөөт бөх, таеквондо, боксын бэлтгэлийн 2 заалтай, шинэхэн бялдаржуулах төв, эмнэлгийн анхан шатны яаралтай тусламжийн алба, чадварлаг багш дасгалжуулагчдын баг чанартай үйлчилгээг үзүүлж байна. Тус усан спорт төвийн давуу тал нь өвлийн усан сэлэлт буюу мөстэй усан сэлэлтийн сургалттай. Олон улсын спортын дэлхийн 4 удаагийн аварга, дэлхийд чансаагаараа нэгдүгээрт ордог, Монголын өвлийн усанд сэлэлтийн холбооны тамирчин, спортын мастер Ш.Даваадорж багш дасгалжуулж байна.