Золбоот тамирчид

"Шарын гол" хоккейн баг нь Золбоот клубд харъяалагддаг ба тус баг нь чадварлаг тамирчид, дасгалжуулагчтай. Тус клубд одоогоор 3 багш, дасгалжуулагч болон 100 гаруй суралцагч, тамирчид байна. Анх үүсгэн байгуулагдсан цагаасаа одоог хүртэл хоккейн спортыг таниулах, сурталчлах, хөгжүүлэх зорилгоор үнэ төлбөргүй сургалт явуулж байна. Хоккейн талбай нь гадаа талбай тул өвлийн улиралд л зөвхөн клубын сургалт явагддаг.

Монголын хоккейн холбооны 2022 оны Монгол Улсын залуучуудын аварга шалгаруулах тэмцээн /АШТ/ Улаанбаатар хотын 15 дугаар хороолол дахь "Отгон-Од" клубийн "Бласт" багийн мөсөн талбайд болж шилдгүүдээ шалгаруулсан. Тэмцээний аваргаар “Шарын гол” баг тодорсон бөгөөд шигшээ тоглолтод "Хангарьд" багийг 3:2-оор буулган авсан байна. Тэмцээний шилдэг хаалгачаар Б.Батбаяжих /Шарын гол/,  довтлогчоор Б.Энхбат /Шарын гол/ тус тус тодорсон.