Алдар спорт хороо дугуйн клуб

"Алдар" спорт хороо нь анхны биеийн тамир, спортын нийгэмлэгүүдийн нэг /Цэрэг нийгэмлэг 1946.02.02 6 дугаар тогтоол/

Анх удаа Алдар нийгэмлэгийн тамирчид Монголын Ардын армийг төлөөлж БНАГУ-д 1958 оны 09 дүгээр сард болсон зуны анхдугаар спараикиадад сагсан бөмбөг, буудлага, бокс, хөнгөн атлетик, хүндийн өргөлт, цэргийн 3 төрөлтийн спортоор оролцсон.  

2004 оноос Алдар спорт хорооны тамирчин, 2016 оноос ахлах дэслэгч Азийн аварга, 3 мөнгө, 3 хүрэл медальт  Т.Төгөлдөр багш, дасгалжуулагчаар ажиллаж байна. Алдар спорт хорооны дугуйн шигшээ багийн тамирчид нь дотоод болон олон улсад болж буй тэмцээн уралдаанд амжилттай оролцдог ба Олон улсын тэмцээн уралдаанд улсаа төлөөлөн оролцдог тамирчдын ойролцоогоор 80 хувь нь тус хорооны тамирчид юм. Дугуйн шигшээ баг нь 2016 он, 2021 оны шилдэг багаар тус тус шалгарч байжээ.