Монголын туялзуур силэмний холбоо

Монголын туялзуур сэлэмний холбоо нь анх 2009 онд үүсгэн байгуулагдсан. Монгол улсад туялзуур сэлэмний спортыг эрчимтэй хөгжүүлэх, улмаар олон улс, тив дэлхийн наадамд өрсөлдөх тамирчдыг бэлтгэх, туялзуур сэлэмний спортыг сурталчлах зорилготой. Япон улсын Аомори мужийн Имабэцү хот нь сүүлийн 5 жилийн хугацаанд тус холбооны үйл ажиллагааг дэмжиж ирсэн ба цаашид ч спорт, соёл, боловсролын олон төслийг хамтран хэрэгжүүлэхээр зорин ажиллаж байна. 
Туялзуур сэлэм бол анхны олимпоос эхлэн өнөөг хүртэл тасралтгүй олимпийн наадамд багтаж буй урт түүхтэй спорт. Тулааны бусад төрлүүдээс зэвсгээр тулалдаж, биед контакт авдаггүйгээрээ ялгаатай. Хүнээс биеийн авхаалж самбаа, нарийн техник, оюуны овсгоо, түргэн сэтгэлгээ шаарддаг. Хор хохирол багатай, 2 тархи зэрэг ажиллуулдаг, "биеэр тоглодог шатар” гэгддэг спорт. Биеийн хөгжил, бяр хүч гэхээсээ илүү хөлийн ажиллагаа, техник сайтай бол өрсөлдөгчдөө илүүрхдэг.