Монголын Боулинг Сонирхогчдын Холбоо

1996 оны дөрөвдүгээр сарын 15-ны өдөр Баянгол зочид буудлын “А” корпусын хоёрдугаар давхарт анхны санаачлагчдын хурлаа хийж, Монголын боулингийн холбооны Ерөнхийлөгчөөр Хилийн цэргийн дэд хурандаа Б.Жаргалсайхан, дэд ерөнхийлөгчөөр Бизнес банкны захирал А.Давааням, Ерөнхий нарийн бичгийн даргаар Хөрөнгийн биржийн дэд захирал О.Батбилэг, Удирдах зөвлөлийн гишүүдээр н.Лхагваням, Ж.Наранцацралт, н.Батболд, А.Батсайхан, Н.Жаргалсайхан нар сонгогдож, улмаар журмаа гарган баталжээ. 

Жамц гуайд холбооны удирдах зөвлөлд орох саналыг өгөхөд Монголын Үндэсний Олимпын Хорооны дэд ерөнхийлөгч байсан учир холбоонд орохоос татгалзаж, цаашид зөвлөгөө өгч, туслаж, дэмжихээ илэрхийлсэн тул ЕНбДарга О.Батбилэгийн саналаар гадаад хэлний өндөр мэдлэгтэй, Олон улсын боулингийн холбоонд элсэхэд тун их хэрэг болох хүн хэмээн Үнэт цаасны хорооны дэд дарга О.Энхбаатарыг тэргүүлэгч гишүүнээр баталсан байна.